TIGREA ETA JIRAFA

              

Udarako arratsalde batean, jirafa bat belarra jaten ari zen, oihanean.

Baina ez zen edonolako jirafa, Afrikako jirafarik azkarrena zen  eta buruz ere ez zen makala. Jirafa lasai-lasai belarra jaten ari zenean tigre batek, eraso egin zion. irafari beldur handia sartu zitzaion, tigreak jan zezakeelako.

-Zer nahi duzu tigre maltzurra? -esan zuen beldurtuta.

-Zer uste duzu, jan egin nahi zaitut, jirafa zalea naiz!

-Zer nahi duzu, nik alde egitearen trukean?

-Zure askatasunaren trukean edozer eska dezaket, ezta?

-Bai, edozer- erantzun zio tigreak.

Orduan jirafa jaki bila joan zen eta tigreari ziria  sartzea erabaki zuen. Eulientzat kaka, jakia da eta tigreak esan zionez edozer jakik balio zuela,kaka eramatea erabaki zuen. Kaka eramatean hauxe erantzun zion tigreak:

-Baina zer da hau?-galdetu zion tigreak.

-Ba … zeuk eskatutakoa.

-Nik jakia eskatu dizut baina hau ez da jakia!

-Bai jakia da ,eulientzat jakia baita,horrekin konformatu beharko duzu!

-Ez naiz konformatzen, eman benetako jakia, bestela jan egingo zaitut!

-Baina ezin duzu tratua hautsi, beraz, agur betirako!

Tigrea aho zabalik geratu zen hori entzutean. Ezin zuenez tratua hautsi, ez zuen jirafa jan eta kakarekin konformatu behar izan  zuen.

-Buagh! Ze txarra, uste dut ez dudala inoiz berriro horrelakorik jango!

“Tigreak ikasi zuen dena ez dela indarrarekin konpontzen”  

                                                     Ane, Nerea, Olaia J eta Naroa

 KATUA eta SAGUA

Katua eta ni etxeko egongelan geunden. Biok betidanik elkarrekin bizi  gara. Ni sagu txiki bat naiz, eta nire etxekide katua oso handia da nire alboan.

Arratsalde batean, nik gazta zatia hartu dudan momentuan, katua atzetik etorri eta gazta zatia kendu dit.

-Eman nire gazta!! –agindu diot.

Eta katua ni baino handiagoa denez ezin izan dut bere kontra  egin, baina badakit nik buru azkarragoa dudala eta orduan bururatu zait tranpa bat jartzea.  Horrela bada, katua bere gordelekura iritsi baino lehen tranpatxo bat jarri diot gordelekuaren aurrean eta katua sartzean: “PLAST!”

Harrapatu dio buztana, gazta askatu eta bere buztanari heldu dio.  Orduan, arrapalada batean, gazta hartu dut eta nire

gordelekurantz abiatu naiz esanez:

-Txikia izan arren, zu baino buru azkarragoa dut!

Orduan katuak erantzun dit:

-Baina gaztarekin nik amaituko dut, ikusiko duzu!

Katua, nire  atzetik korrika abiatu da.

         Eta nire gordelekuan sartzen saiatu da.  Konturatu denean ez dela sartzen alde egin du eta gazta zatia nik jan dut.

Handia izan arren ez da beti irabazten.

                                                                                                         Aroa Ortega, Maialen  Santxez, Paula Romay

EZPATA ARRAINAREN DESKUIDOA

Udako goiz eguzkitsu batean han zebilen marrazoa Ozeano Bareko bere bizilekuan, Argentinatik 25 km-ra. Maltzurra eta burugogorra zen. Ez zitzaion gustatzen inor bere bizilekuan sartzea eta norbait sartzen bazen, asko haserretzen zen eta jan egiten zuen. 

                                                                 

            Goiz hartan ezpata-arrain gazte bat zebilen marrazoaren bizilekuaren inguruan. Arraina azkarra eta despistatua zen. Animaliatzarrak, ezpata-arraina, bere inguruan zebilela ikusi zuenean, bere barrurako pentsatu zuen:

            

                                        

-         Pixka  bat itxarongo dut, ea gehiago hurbiltzen den. Hurbilduz gero, gosaltzeko jango dut, je je je … !

 

                           

            Minutu pare bat itxaron ondoren, ezpata-arraina, despistaturik, marrazoaren bizilekuan sartu zen. Marrazoa pozik, bere atzetik korrika abiatu zen. Arrainak bira eman zuenean segituan konturatu zen zer egin zuen eta bera ere korrika hasi zen ihesian. Marrazoa azkarra zen baina ezpata-arraina ere ez zen makala. Bat-batean ezpata-arrainak harkaitz baten kontra jo zuen eta horrek abiadura mantsotu zion. Marrazoa gero eta hurbilago zegoen arrainarengandik, ahoa irekiz, hura jan nahian. Arraina gero eta gehiago beldurtzen hasi zen eta bitartean marrazoak honela esaten zion:

-         Harrapatuko zaitut!

            Minutu batzuk korrika ibili ondoren, azkenean marrazoak ezpata arraina harrapatu eta jan egin zuen. Arraina marrazoaren sabelean zegoen bitartean, ideia bat bururatu zitzaion: berak zeukan aurreko ezpata moduko horrekin, marrazoaren sabela zulatzea. Eta horrela egin zuen. Ezpata-arraina bere lanean ari zela, marrazoak bat-batean azkura sentitu zuen.

             Azkenean arraina animaliatzarraren sabeletik irten zen eta marrazoa hil egin zen.

Alegia honekin esan nahi dugu beti ez duela indartsu eta handienak irabazi behar, garrantzitsuagoa dela buruz azkarra izatea.

Ainhoa, Olaia eta Naia

AZERIA ETA HIPOPOTAMOA

Tolosan, skate parke bat zegoen. Goizean, azeria skate parkera zihoan arratsaldeko txapelketarako entrenatzera. Han, hipopotamoa skatea praktikatzen aurkitu zuen.  Azeria ere han zebilenez eta hipopotamoak pista beretzat nahi zuenez,  honek, haserretuta, azeriari skatea hautsi zion. Azeria negarrez etxera abiatu zen, skaterik ez bazuen, ezin izango zuelako txapelketan parte hartu. Hipopotamoa bertan geratu zen beste skaterrekin bazkaltzen, eta  iseka  ekin zion azeriari:

- Azeri negartia, ja, ja, ja,... Beste skate batekin etortzen bazara, berriz ere hautsiko dizut.

- Ez naiz etorriko zu baldin bazaude - azeriak negarrez.

- Beldurti,beldurti! - hipopotamoak harro-harro.

- Damutuko zara bai! – azeriak negarrez.

Azeria izena emanda zegoen lehiaketan, eta nola edo hala skate bat lortu behar zuen. Arratsaldean  hipopotamoa, asko jan zuelako, ura edatera joan zen errekara. Hipopotamoa ura edaten ari zen bitartean, azeriak skatea lapurtu zion eta eraman egin zuen. Hipopotamoa bilatu eta bilatu aritu zen baina ez zuen aurkitu.

 

 

Lehiaketa hasi zenean, hipopotamoaren txanda pasa egin zen, eta azeriarena tokatu zen. Skater guztiek beraien iharduera bukatu zutenean, irabazlearen izena entzutera joan ziren. Epaileek erabaki zuten azeria izango zela txapelduna. Denak harrituta zeuden. Azeria hipopotamoarengana joan, skatea hautsi eta honela esan zion.

-“Zuretzat nahi ez duzun hori,  ez egin besteei”.

Eta azeria pozik joan zen garaikurrarekin etxera.

                                                                                                         Eneko Ar., Aitor V., Iñaki Ay.